قصيدة الدموع

دموع راحيل
اغلا الولاد يا ضنايا
يا فرحة عمرى وهنايا
ونور عينى ورجايا
وف وقت همى انت عزايا

وحشنى صوتك يا غالى
يا غايب عن عينى
لكن محفور فى بالى

وحشتنى كلمة ماما منك
يا حنين رغم صغر سنك
دا مهما همومى كانت تزيد
فى لحظة كنت بنساها فحضنك
قولى..اجيبك منين يا غالى انت وحشت امك


عامل ايه يا حبيبى فى السما
انا عارفة انك سعيد انما..
الدنيا من غيرك مضلمة..
وامك يا حبيبى دايما متألمة
وعزايا الوحيد انك فى حضن ربنا


دايما بفتكر كلامك معايا..
بيرن فى ودانى حكاية.. حكاية
قد ايه كنت رقيق وقمر..
ملاك هادى فى صورة بشر
كنت نعمة كبيرة لكن ياخسارة سرقها القدر


كنت هادى يا حبيبى ومطيع
بسيط فى طبعك ووديع
محب لاخواتك وللجميع


من ليلة العيد صار اسمى ..راحيل
بس خلاص مش هبل تانى مناديل
وبدل الدموع هسبح واقول تراتيل
دا حبيبى فالسما ملاك جميل
ولابس على راسه اجمل اكاليل
دا وعد الفادى اعظم دليل
ووعود مسيحنا مالهاش مثيل




كلمات:شاعرة الشهداء
ناهد فاروق شاروبيم